黃昏食飯前，同愛人係海港城UQ濕平，愛人試啱條短褲，我就陪佢排隊畀錢之際，我畀身後個五六七歲咁上下大嘅細路仔相當之應咁踢咗腳pat pat(好彩我著深色衫裙睇唔到有腳印)。
個死𡃁仔當時應該係跨過排隊位拉起嘅繩，想入嚟同佢媽企一齊排隊。
我立刻擰轉身，個做阿媽嘅就只得一句：睇下你，踢到人啦。
然後，沒有然後，對方咁就當完咗件事。
我真係眼突，小朋友唔識道歉都算，大人既唔叫小朋友道歉，也不代小朋友道歉，似乎覺得自己blame咗個小朋友“我話咗佢㗎啦”就等於道咗歉，大能曬，一啲禮貌、一啲教養都無，完全係曉生唔曉教。我真係覺得咁樣做人父母就咪鬼生啦，為禍人間。
愛人亦馬上講：所以咪有句說話叫做"每個熊孩子嘅背後都有熊父母"囉。
🤦🏻♀️🤦🏻♀️🤦🏻♀️
23:20
12 Sep 2022
